25 Years old girl 2 Khmer Movie 2013 - KhmerWatch

Friday, May 31, 2013

25 Years old girl 2 Khmer Movie 2013 - KhmerWatch

ឈ្វេងយល់ អំពីជំងឺខ្សោយបេះដូង

ខ្សោយបេះដូង គឺជាប្រភេទជំងឺបេះដួងម្យ៉ាង ដែលជាបញ្ហាមួយ បង្កឡើងដោយលំហូរឈាមទៅកាន់រាង្គកាយមិនគ្រប់គ្រាន់។ ជាទូទៅ វាកើតឡើងនៅពេលសាច់ដុំបេះដូងចុះខ្សោយ ខូច ឬក្រាស់ខុសធម្មតា។ ដូច្នេះហើយ បានជាវាមិនមានសមត្ថភាពពេញលេញក្នុងការច្របាច់ឈាមឲ្យបានគ្រប់គ្រាន់ ដើម្បីផ្គត់ផ្គង់ទៅកាន់សរីរាង្គនិងសាច់ដុំផ្សេង។

លំហូរឈាមមិនគ្រប់គ្រាន់នេះ បង្កឲ្យរាង្គកាយខ្វះអុកស៊ីហ្សែន គ្លុយកូស និងសារធាតុខនិជសំខាន់ផ្សេងៗទៀត នៅក្នុងរយៈពេលយូរ សាច់ដុំនឹងកាន់តែចុះខ្សោយ ហើយសរីរាង្គផ្សេងទៀតនឹងដំណើរការមិនប្រក្រតី៕

ប្រភព: Ann

រកឃើញមេរោគប្រភេទថ្មី ប្រែប្រួលពីមេរោគប្រមេះ ឆ្លងតាមរយៈការរួមភេទ សម្លាប់មនុស្សសាហាវជាង AIDS

Tuesday, May 28, 2013

លោក William Smith នាយកប្រតិបត្តិSTD ជាតិអាមេរិក បានឲ្យដឹងថា លោកកំពុងអំពាវនាវឲ្យស្ថាប័ននីតិបញ្ញតិអាមេរិកផ្តល់ថវិកាបន្ថែម៥៤លានដុល្លារទៀត សម្រាប់អាភិវឌ្ឍន៍ប្រភេទឱសថអង់ទីប៊ីយូទិកថ្មី ដែលអាចប្រឆាំងនឹងអម្បូរ HO41 និងដើម្បីផ្សព្វផ្សាយឲ្យពលរដ្ឋយល់ដឹង។

លោកបានធ្វើការព្រមានពីវត្តមាន និងការឆ្លងរាលដាលរបស់កំពូលមេរោគថ្មីមួយឆ្លងតាមការរួមភេទ គ្រោះថ្នាក់ជាង AIDS ទៀត។ នោះគឺអម្បូរមេរោគ HO41 ដែលជាសណ្ឋានប្រែប្រួលថ្មីនៃមេរោគប្រមេះ។ វាអាចប្រឆាំងតបនឹងឱសថអង់ទីប៊ីយូទិក និងរាលដាលយ៉ាងលឿនបំផុត។ អម្បូរ HO41 ត្រូវបានរកឃើញជាលើកដំបូងកាលពី២ឆ្នាំមុន ក្នុងសរីរាង្គស្ត្រីពេស្យា សញ្ជាតិជប៉ុនម្នាក់។ តាមអ្នកជំនាញការសុខាភិបាលអាមេរិក ពេលឆ្លងមេរោគនេះ អ្នកជំងឺនឹងស្លាប់ក្នុងពេល ប៉ុន្មានថ្ងៃប៉ុណ្ណោះ ។

ផែនការតែ១គត់ ដើម្បីបញ្ចៀសការរាលដាលមេរោគនេះ គឺអនុវត្តវិធានការរួមភេទដោយសុវត្ថិភាពប៉ុណ្ណោះ៕

ប្រភព ann.com.kh

ជម្ងឺផ្លូវចិត្ត និងវិធីទប់ស្កាត់

Sunday, May 26, 2013

ក្នុងការរស់នៅជាប្រចាំថ្ងៃ យើងរមែងជួបប្រទះនូវគ្រប់បញ្ហាផ្សេង។ បញ្ហាទាំងនោះនឹងនាំឲ្យមានភាពស្មុគស្មាញញាំញីស្មារតីឥតស្រាកស្រាន្ត កត្តានេះវាជះឥទ្ធិពលដល់ការកើតជម្ងឺផ្លូវចិត្ត។ ប៉ុន្តែមុននឹងឈានទៅរកជម្ងឺផ្លូវចិត្តវាបានចាប់ផ្តើមពីការមានបញ្ហាបន្តិចបន្តួចរាតត្បាតបន្តិចម្តងៗ ក្នុងរយៈពេលយូរ។ ទោះបីជាបញ្ហាកើតឡើងមានកម្រិតធ្ងន់ធ្ងរក៏ដោយ បើយើងចេះទប់ស្កាត់ និងបន្ថយភាពអាប់អួរទាំងនោះ ជម្ងឺផ្លូវចិត្តពិតជាកើតឡើងបានទេ។

ទាក់ទងទៅនឹងជម្ងឺផ្លូវចិត្តនេះលោកវេជ្ជបណ្ឌិត ស៊ិន ប៉ូលី ឯកទេសវិកលវិទ្យានៃមន្ទីរពេទ្យមិត្តភាពខ្មែរសូវៀតនឹងចូលមកត្រួសត្រាយ ស្រាយបំភ្លឺជូនប្រិយមិត្តបានដឹងៈ

-អ្វីទៅដែលហៅថា ជម្ងឺផ្លូវចិត្ត?

*ជម្ងឺផ្លូវចិត្តដែលបង្កឡើងពីបញ្ហាជុំវិញខ្លួនវាខុសពីជម្ងឺដទៃដែលមានមេរោគបង្កឡើង។ គេអាចដឹងថាបុគ្គលម្នាក់មានជម្ងឺផ្លូវចិត្តនៅពេលគេសង្កេតឃើញពីអប្បកិរិយាខុសប្រក្រតីអារម្មណ៍ និងការគិតមិនធម្មតាជាដើម។

-មូលហេតុបង្កឲ្យមានជម្ងឺផ្លូវចិត្តមានកត្តាដោយឡែកៗដែលនាំឲ្យកើតមានជម្ងឺផ្លូវចិត្តពោលគឺៈ

-កត្តាផ្លូវចិត្តៈ គឺជាកត្តាចំបងមួយ ដែលនាំឲ្យមានជម្ងឺផ្លូវចិត្ត។ មានមនុស្សជាច្រើនដែលឆ្លងកាត់បញ្ហាធំៗក្នុងជីវិត ប៉ុន្តែគេមិនធ្លាក់ខ្លួនមានជម្ងឺផ្លូវចិត្តទេ។ នេះដោយសារតែបុគ្គលនោះមានផ្លូវចិត្តរឹងមាំ។ បញ្ហាដែលនាំឲ្យប៉ះពាល់សុខភាពផ្លូវចិត្តដូចជាៈ មនុស្សជាទីស្រឡាញ់ ស្លាប ឬព្រាត់ប្រាស់គ្នា មានគូមិនគាប់ចិត្តឆ្លងកាត់ការវះកាត់ មានជម្ងឺប្រចាំកាយ ការប៉ងប្រាថ្នា លើសពីសមត្ថភាព តូចចិត្តនឹងការបាត់បង់សោភ័ណ ឬពិការភាពអស់សង្ឃឹមទទួលរងនូវភាពអាមាសបាត់បង់ការងារ តួនាទីជាដើម។

-កត្តាសង្គមៈ គឺជាកត្តាដែលស្តែងឡើងធ្វើឲ្យប៉ះពាល់ដល់ការគិតនាំឲ្យមានភាពរន្ធត់តក់ស្លុតព្រួយបារម្ភដូចជាៈ គ្រោះថ្នាក់ចរាចរណ៍មានចោរកម្ម អស្ថិរភាពនយោបាយ អំពើពុករលួយ ឥទ្ធិពលគ្រឿងញៀន ទទួលគំនាបគ្រប់គ្រង ឬទទួលឥទ្ធិពលអំពើមិនល្អពីអ្នកដទៃ ឬសមាជិកគ្រួសារបរាជ័យក្នុងអាជីវកម្ម ជួបគ្រោះថ្នាក់ធម្មជាតិដូចជា ខ្យល់ព្យុះ ទឹកជំលនន់ដែលនាំឲ្យខូចបង់ទ្រព្យធនធានជាដើម។

-កត្តាជីវសាស្ត្រៈ វដ្តនៃដំណើរជីវិតរបស់មនុស្សត្រូវឆ្លងកាត់បឋមវ័យ (កុមារភាពជំទង់យុវភាព)មជ្ឈឹមវ័យ(វ័យកណ្តាល) និងបច្ចឹមវ័យ(វ័យចាស់)។ ការប្រែប្រួលពីវ័យមួយទៅវ័យមួយក៏ត្រូវមានបម្រែបម្រួលស្មារតីដែរ ដែលជាទូទៅកត្តាជីវសាស្ត្រនេះច្រើនជាឥទ្ធិពលទៅលើបឋមវ័យ និងមច្ចឹមវ័យ។ ពិសេសយុវភាពតែងមានការផ្លាស់ប្តូរលូតលាស់ផ្នែករូបរាងកាយ និងអារម្មណ៍។ រីឯមនុស្សវ័យចាស់ក៏យ៉ាងនោះដែរ ស្របនឹងពាក្យមួយឃ្លាថា កាន់តែចាស់កាន់តែក្មេងខ្ចី។ មួយចំណែកទៀតក៏មានទំនាក់ទំនងនងេកត្តាតំណពូជផងដែរ។ គ្រួសារដែលមានជម្ងឺផ្លូវចិត្ត លុះទាយាទជំនាន់បន្ទាប់ងាយរងផលប៉ះពាល់ជាគ្រូសារដែលមានសុខភាពផ្លូវចិត្តល្អប្រសើរ។

-អាការៈ នៃជម្ងឺផ្លូវចិត្តបង្ហាញឡើងដូចម្តេច?មានលេចឡើងនូវអាការៈតាមកម្រិតនៃជម្ងឺៈ

-កម្រិតស្រាល ហៅថា ណូរ៉ូហ្ស៊ីសៈ គឺកើតឡើងច្រើនលើមនុស្សគ្រប់វ័យ។ ស្ថិតនៅក្នុងវ័យជំទង់ពួកគេតែងចង់ភ្លក្ស ចង់ដឹង អ្វីដែលថ្មី ជួនកាលការមិនចេះទប់អារម្មណ៍ និងឃុំគ្រងរក្សាអប់រំឲ្យល្អពីអាណាព្យាបាល ពួកគេនឹងមានភាពច្រងេងច្រងាង ឆេវឆាវ ចរិតកាចសាហាវ ហ៊ានជ្រុលពេកឆាប់មានប្រតិកម្មគិតផ្តេសផ្តាស់វាយគេវាយឯង វក់នឹងល្បែងផ្សេងក្នុងសង្គម។ ក្នុងរោគសញ្ញាជាទូទៅមានដូចជា គឺឈឺក្បាលញឹកញាប់ជាប្រចាំ គេងមិនលក់ ឆាប់ភ័យតក់ស្លុតញ័រទ្រូង ទទួលទានអាហារមិនសូវបាន ព្រឹលភ្នែកមួរម៉ៅច្រើន នឹងឃើញតែរឿងមិនល្អ ចូលចិត្តផ្តាច់ទំនាក់ទំនងពីអ្នកដទៃ ភ្លេចភ្លាំងច្រើនខុសប្រក្រតីជាដើម។

-កម្រិតធ្ងន់ហៅថា សាយកូហ្ស៊ីសៈ ក្នុងដំណាក់កាលនេះ នរណាៗក៏អាចយល់ដឹងបានដែរ គឺមិនពិបាកក្នុងការសង្កេតនោះទេ។ អ្នកជម្ងឺផ្លូវចិត្តកម្រិតធ្ងន់ គឺគេមានលក្ខណៈរង្វេងស្មារតីលែងដឹងខុសត្រូវ ភ័យខ្លាចអ្វីៗគ្រប់យ៉ាងចង់សម្លាប់ខ្លួនឯង ឬអ្នកដទៃ លែងខ្មាស់អៀនតែងខ្លួនធម្មតា យំសើច ឬជេរគេឯង។ ដំណាក់កាលនេះហៅថា វិកលចរិត ឬក៏ឆ្កួត។

-វិធីទប់ស្កាត់ជម្ងឺផ្លូវចិត្តអ្វីក៏ដោយគឺវាចាប់ផ្តើមពីដំណាក់កាលដំបូង ឬកម្រិតស្រាល។ ក្នុងដំណាក់កាលដំបូង ឬកម្រិតស្រាល។ ក្នុងដំណាក់កាលដំបូងនេះយើងអាចសម្គាល់ខ្លួនឯងបានថា ខុសប្រក្រតីភាពទាំងផ្លូវអារម្មណ៍ និងផ្លូវកាយ។ ដូច្នេះយើងត្រូវវពង្រឹងស្មារតី និងជម្រុះចោលការគិតផ្តេសផ្តាស់វែងឆ្ងយឥតប្រយោជន៍ ស្វែងរកសប្បាយដាក់ខ្លួនត្រូវជជែកពិភាក្សារកគន្លឹះល្អៗដើម្បីចាកចេញពីភាពអាប់អួរ ពិសេសមនុស្ស ដែលទុកចិត្ត ឬស្តាប់ធម៌អប់រំចិត្តជាដើម។លើសពីនេះគឺគួរមានការលំហែកម្សាន្ត មើលរឿងកំប្លែងមិនត្រូវព្យាយាមនៅស្ងាត់ម្នាក់ឯង។ កន្លងមកមានកំហុសឆ្គងខ្លះ ដែលអ្នកជម្ងឺផ្លូវចិត្តព្យាយាមព្យាបាលជម្ងឺផ្លូវចិត្តដូចជា លេបថ្នាំងងុយដេកថ្នាំឈឺក្បាល ព្យាយាមព្យាបាលការស្រវ៉ាង់ភ្នែក ឈឺពោះ ញ័រទ្រូងជាដើមដោយមិនគិតដល់ការព្យាបាលផ្លូវអារម្មណ៍មុនដែលជាឬសគល់នៃជម្ងឺ។ ដូច្នេះការជួបប្រឹក្សាព្យាបាលពីពេទ្យឯកទេសផ្លូវចិត្តជាកត្តាអាទិភាព។ ការព្យាបាលពីផ្នែកផ្លូវចិត្តទើបចំមូលហេតុប្រាកដ និងមិនធ្វើជម្ងឺកាន់តែធ្ងន់ធ្ងរ៕

ប្រភព khmerstaion.com

វិធីដោះស្រាយបញ្ហាប្រច័ណ្ឌ

ការវិនិច្ឆ័យមួយចំនួនខាងក្រោមនេះ នឹងអាចជួយប្រិយមិត្តដោះស្រាយនូវការលំបាកនៃបញ្ហាប្រច័ណ្ឌ៖

១. បើប្រិយមិត្តរស់នៅជាមួយមនុស្សប្រច័ណ្ឌមា្នក់ៈ

_ បកស្រាយបំភ្លឺបញ្ហាឲ្យច្បាស់លាស់ ដោយនិយាយច្បាស់ពីមនោសញ្ចេតនារបស់សាមីជន។
_បង្ហាញច្បាស់ហេតុការណ៍ ឬភាពច្របូកច្របល់ពិតប្រាកដឲ្យសាមីជនត្រូវប្រយ័ត្នប្រយែង (ពីប្រការដែលអាចជាការយល់ច្រឡំ)។
_ សង្កត់ធ្ងន់ពីជំនឿចំពោះគ្នាទៅវិញទៅមក គឺជាលក្ខខណ្ឌដំបូងបង្អស់ក្នុងទំនាក់ទំនង។
_បដិសេធរាល់ការមន្ទិលសង្ស័យរបស់សាមីជន និងនិយាយបញ្ជាក់ឲ្យច្បាស់ថានេះគឺជាអាកប្បកិរិយាបង្ករឿង ដោយគ្រប់វិធីជៀសវាង “ ការចាប់ភស្តុតាងនៅនឹងកន្លែង “។
_សង្កត់ធ្ងន់ថា ការទំនាក់ទំនងអាចកើតជារូបរាង ដោយសារតែមានការជ្រើសរើសទៅវិញទៅមកសន្សឹមៗជាមួយនឹងពេលវេលា។
_មិនរស់នៅបណ្តែតបណ្តោយនឹងគូស្នេហ៍ ដោយត្រូវរក្សានូវកម្លាតមួយសម្រាប់ជាការគោរពគ្នា និងដើម្បីជៀសវាងការចំណុះទាំងស្រុងបាត់បង់អស់នូវសេរីភាព ដែលជាការផ្តើមនូវការបំផ្លាញនូវតុល្យភាពក្នុងទំនាក់ទំនង។
_មិនគំរាមកំហែងកាត់ផ្តាច់ទំនាក់ទំនងតែត្រូវរក្សាឲ្យបាននូវកម្លាតមួយ ដើម្បីឲ្យគូសង្សារត្រូវមានការទទួលខុសត្រវចំពោះខ្លួនឯង និងធ្វើឲ្យសាមីខ្លួនយល់ថា អាកប្បកិរិយារបស់ខ្លួន គឺជាមូលហេតុដែលបង្កនូវការបែកបាក់។            បន្ទាប់ពីព្យាយាមដូច្នេះ តែសភាពការណ៍នៅតែដដែល មិនអាចទ្រាំទ្រតទៅទៀតទេនោះ គួរតែប្រញាប់ប្រញាល់ដកខ្លួនឲ្យហើយទៅ។
២. បើខ្លួនយើងកំពុងតែប្រច័ណ្ឌ
_ត្រូវព្យាយាមអត់ធ្មត់ខ្លួនឯង និងគោរពអ្នកដទៃ មិនអាចព្រោះតែប្រច័ណ្ឌប្រែក្លាយជា “ ឆ្កែឆ្កួតខាំគេផ្តេសផ្តាស “ នោះឡើយ។
_មិនត្រូវស្វែងរកភស្តុតាងនៃការផិតក្បត់ដោយវិធីចាំលបឆ្មក់ នៅតាមផ្លូវ ជ្រៀតជ្រែកចូលក្នុងការងារ និងចាំឆ្កឹះកកាយទំនាស់នៃសេចក្តីស្នេហាទេ។            _និយាយដោយមានតុល្យភាពទាំងសងខាង ដោយមិនផ្អែកទៅលើទំនាក់ទំនងដូចជាចៅហ្វាយនាយ និងអ្នកបំរើដែលក្នុងនោះអ្នកជាអ្នកក្តាប់អំណាចស្លាប់រស់នោះទេ។
_ត្រូវយល់ថា ការមន្ទិលសង្ស័យចំពោះគូសង្សារផ្តើមចេញពីការបាក់បង់នូវជំនឿលើខ្លួនឯង ហើយបើសិនគូសង្សាររបស់យើងត្រូវអ្នកផ្សេងទាក់ទាញទៀតនោះ គឺមកពីខ្លួនយើងបានក្លាយជាមនុស្ស…..ពិតបាកនិងគួរឲ្យអាណិត។
_គិតថាគេជ្រើសរើសយើងគឺមកអំពីខ្លួនយើង មិនមែនមកពីអ្វីដែលគេគិតទេ ហេតុនេះយើងមិនអាចឃាត់ឃាំង សកម្មភាពរបស់អ្នកដទៃបានឡើយ។
_គិតថា វត្តមានរបស់អ្នកផ្សេងក៏ដូចជាវត្តមានរបស់អ្នកឯទៀតៗដែរ គ្មានអ្វីពិសេសនោះទេទោះបីនាំមកនូវសុភមង្គលឲ្យយើងក៏ដោយ។
_មិនត្រូវគិតចាត់ទុកបំនងប្រាថ្នារបស់ជនទី3 ចំពោះគូសង្សារយើងគឺជាការបន្ទាបបន្ថោកយើងនោះទេ វាជាភស្តុតាងបញ្ចាក់ថា គូសង្សារយើងចំពោះអ្នកដទៃ គឺជាមនុស្សគួរឲ្យគោរពរាប់អាន។            បើសិនធ្វើគ្រាប់វិធីដូចដែលបានរៀបរាប់ខាងលើហើយ នោះតែឃើញមានការប្រច័ណ្ឌទៀត
នោះ ត្រូវគិតថា គូសង្សាររបស់មិត្តកំពុងចង់លេងសើចជាមួយយើងទេ ហើយទីបំផុតក៏គង់តែច្រឡប់មករកយើងវិញទេ!            តែបើផ្ទុយទៅវិញ វិបត្តិនេះនៅតែមិនបន្ថយបានមិនត្រូវស្ទាក់ស្ទើរក្នុងការកាត់ផ្តាច់ទំនាក់ទំនងនោះទេ ត្រូវចាកចេញឲ្យឆ្ងាយរួចហើយបំភ្លេចចោលដូចជាភ្លេចស្បែកជើងកញ្ជាស់មួយគូអីចឹង!

ប្រភព www.khmerstation.com

ពិចារណាទោសនៃសេចក្តីក្រោធ

វិធីបំបាត់ក្រោធ ដោយពិចារណាទោសនៃសេចក្តីក្រោធ ។ក្នុងចំណុចនេះ ព្រះពុទ្ធជាម្ចាស់ ទ្រង់ត្រាស់សម្តែងទុកមកច្រើនណាស់ ដូចជា៖បុគ្គលក្រោធរមែងមានពណ៌សម្បុរមិនស្អាត ដេកជាទុក្ខ បែកមិត្ត អស់យស ។ល។ បុគ្គលអ្នកក្រោធមិនដឹងថា សេចក្តីក្រោធនោះ គឺជាភ័យដែលកើតឡើងក្នុងខ្លួនទេ ។ បុគ្គលអ្នកក្រោធខឹង រមែងមិនដឹងប្រយោជន៏ រមែងមិនឃើញធម៌ ។ បុគ្គលដែលសេចក្តីក្រោធគ្របសង្កត់មានតែភាពងងឹតប៉ុណ្ណោះ ។ បុគ្គលអ្នកក្រោធធ្វើនូវអំពើអាក្រក់បានដោយងាយហាក់ដូចជាធ្វើ ឭអំពើល្អ ប៉ុន្តែលុះដល់ក្រោយមក កាលបើបាត់ក្រោធហើយ ក៏មានការក្តៅក្រហាយស្តាយក្រោយដូចជាត្រូវភ្លើងឆេះ ។ មនុស្សក្រោធ រមែងសម្តែងនូវមុខក្រញូវជាដំបូង ដូចភ្លើងមុននឹងឆេះរមែងញ៉ាំងផ្សែងឲ្យកើតឡើងសិន លុះដល់កាលណា សេចក្តីក្រោធសម្តែងនូវតេជនុភាពហើយ កាលនោះ មនុស្សក្រោធ រមែងមិនខ្លាចអ្វីឡើយ ការខ្មាសអៀនក៏មិនមាន សេចក្តីគោរពក៏មិនមាន គេរមែងធ្វើនូវអំពើវិនាសផ្សេងៗ ដូចជាភ្លើងឆេះព្រៃឬឆេះភូមិអ្នកស្រុកដូច្នោះឯង ។មនុស្សក្រោធសម្លាប់ឪពុក សម្លាប់ម្តាយរបស់ខ្លួនឯងក៏បាន សម្លាប់ព្រះអរហន្តក៏បាន សម្លាប់មនុស្សណាៗក៏បានទាំងអស់ សូម្បីតែខ្លួនឯង ។គ្រោះកាចអ្វីសើ្មនឹងទោសៈមិនមាន ។កំហុសអ្វីស្មើនឹងទោសៈមិនមាន។សេចក្តីក្រោធមានទោស បង្កផលអាក្រក់ឲ្យមកសន្ធឹកសន្ធាប់ ដូចជាព្រះពុទ្ធវចនៈដែលបានសម្តែងមកនេះ បញ្ជាក់ឲ្យដឹងស្រាប់ហើយ ។ សូម្បីរឿងរ៉ាវនៅក្នុងនិទានផ្សេងៗ និងក្នុងជីវិតបច្ចុប្បន្នពិតៗ ក៏មានសន្ធឹកសន្ធាប់ដែរ សុទ្ធតែសម្តែងឲ្យឃើញថា ការខឹងក្រោធមានតែធ្វើឲ្យកើតសេចក្តីវិនាសខូចខាត មិនមានផលអ្វីល្អទេ ទើបគួរកម្ចាត់បង់ចោល មិនត្រូវទុកឲ្យឋិតនៅឡើយ ។ សម្លាប់អ្វីដទៃអាចដេកជាទុក្ខ តែសម្លាប់សេចក្តីក្រោធហើយ រមែងដេកជាសុខជារៀងរហូត ។ នត្ថិ ខន្ធសមា ទុក្ខាសេចក្តីទុក្ខទាំងពួងសើ្មដោយខន្ធមិនមានឡើយ ។នត្ថិ សន្តិបរំ សុខំសុខដទៃក្រៅពីសេចក្តីស្ងប់មិនមានឡើយ ។ដកស្រង់ចេញពីសៀវភៅ " វិធីរម្ងាប់សេចក្តីក្រោធ " រៀបរៀងដោយ លោកគ្រូអគ្គបណ្ឌិតធម្មាចារ្យ ប៊ុត-សាវង្ស ។

ដកស្រង់ពីhttp://5000-years.org

គូររូបតុក្កតាក្នុងរឿងគំនូរជីវចលបានដោយ TVPaint Animation 10 Pro

TVPaint Animation 10 Pro គឺជាកម្មវិធីគូររូបមានលក្ខណៈកំពូលមួយដោយផ្ដោតសំខាន់ទៅលើរូបគំនូរជីវចលដែលមានមុខងារពិសេសៗ រួមផ្សំ។ កម្មវិធីនេះត្រូវបានបង្កើតឡើងជាពិសេសសម្រាប់ស្ទូឌីយោផលិតរឿងគំនូរជីវចល ស្ទូឌីយោផលិតខ្សែភាពយន្ដ អ្នកផលិតហ្គេម ក្រុមហ៊ុនផលិតកម្មនានា ឬស្ថានីយ៍ទូរទស្សន៍ជាដើម។ បន្ថែមពីនោះទៀត វាមានមុខងារ និងឧបករណ៍ផ្សេងៗសម្រាប់លោកអ្នកយកមកប្រើប្រាស់ដែលមានដូចជា ឧបករណ៍គូររូបផ្សេងៗដោយគ្មានកំណត់ តារាងពន្លឺ ឧបករណ៍ខាងគំនូរជីវចល ឃ្លាសម្រាប់បញ្ចូលសំឡេង និងមុខងារសំខាន់ៗជាច្រើនទៀតសម្រាប់បម្រើដល់ការគូររូបរបស់អ្នកប្រើប្រាស់៕

-ប្រព័ន្ធប្រតិបត្តិការ៖ Windows XP / Vista / 7
- ទំហំ៖ 166.74MB

ប្រភព www.mpmag.com.kh

ប្រើកម្មវិធី Excel ងាយៗបង្កើតជាស្នាដៃសិល្បៈគំនូរគួរឲ្យទាក់ទាញ Trackbac

Saturday, May 25, 2013

ផ្សាយក្នុងផ្នែក ព័ត៌មានបច្ចេកវិទ្យា ដោយ um.sopheak កាលពី 7 hours ago Comment(s)

ដើម ផ្កាអង្គាសីលពីរដើម ដែលកំពុងតែរីកស្គុសស្គាយ ប្របនៅមាត់បឹង រួមជាមួយជ្រលងភ្នំយ៉ាងស្រស់ស្អាត បើបានឃើញហើយពិតជាអត់សរសើរមិនបាន។ មើលមួយភ្លែតអ្នកប្រហែលគិតថា រូបទាំងនេះលេចចេញតាមរយៈកម្មវិធី Photoshop ឬ Illustrator ជាដើម ប៉ុន្តែធាតុពិតនេះជារូបភាពកើតចេញតាមរយៈកម្មវិធី Excel ទៅវិញទេ។

ប្រភព Neowin បានឱ្យដឹងថា ទាំងអស់នេះជារូបភាពកើតចេញពីគំនិតច្នៃប្រឌិតរបស់បុរសជនជាតិ ជប៉ុនលោក Tatsuo Horiuch ។ លោកបានប្រើកម្មវិធីសាមញ្ញ Excel (Spreadsheets) ដើម្បីបង្កើត សិល្បៈគំនូរគួរឱ្យទាក់ទាញនេះ។
ប្រភព បន្តថា នៅពេល Tatsuo Horiuch នៅបំពេញការងារ លោកមិនសូវបានប្រើកម្មវិធីនេះឡើយ ប៉ុន្តែក្រោយចូលនិវត្តន៍ ជនជាតិជប៉ុនវ័យ ៧៣ឆ្នាំរូបនេះ បានងាកប្រើកម្មវិធីនេះគ្រប់ការងារទាំងអស់របស់លោក។

កាល ពី ១០ ឆ្នាំមុន លោក Tatsuo Horiuch បានក្លាយជា Digital Artist ហើយស្នាដៃរបស់លោកត្រូវបានគេបង្ហាញក្នុងពិព័រណ៍ថែមទៀតផង។ ហេតុអ្វីបានជាលោក Tatsuo Horiuch មិនប្រើកម្មវិធីផ្សេងពីនេះ?
ជុំវិញសំនួរខាងលើ Tatsuo Horiuch បានប្រាប់ថា៖” កម្មវិធី graphic ទំនើបៗឯទៀតគឺមានតម្លៃថ្លៃ។ ណាមួយវាមាន Tool ស្មុគស្មាញច្រើន ខុសពីកម្មវិធី Excel ដែលមានភាពងាយស្រួលជាង”។

រូបភាព ខាងលើ គឺបានឆ្លុះបញ្ចាំងពីវប្បធម៌ និងជីវិតរបស់ជប៉ុន ហើយវាច្បាស់ណាស់ថា ទាំងនេះជាទេពកោសល្យដ៏ប៉ិនប្រសព្វរបស់លោក Tatsuo Horiuch ។
ដើម្បីតាមដានព័ត៌មានបច្ចេកវិទ្យាថ្មីៗ

ប្រភព៖ neowin

HPមិនផ្ដាច់ផ្នែកកុំព្យូទ័រទេ! Trackback

ផ្សាយក្នុងផ្នែក ព័ត៌មានបច្ចេកវិទ្យា ដោយ khem.borin កាលពី 575 days ago Comment(s)

វា ពិតជាគួរឲ្យភ្ញាក់ផ្អើលខ្លាំងណាស់ បន្ទាប់ពីដឹងថា HP ចង់ផ្តាច់ផ្នែកកុំព្យូទ័រចេញ ហើយងាកមកផ្តោតតែ Software វិញនោះ។ ប៉ុន្តែឥឡូវវារំលងហួសហើយ ព្រោះនាយកប្រតិបត្តិHP ថ្មីអ្នកស្រី MG Whitman បាននិយាយថានឹងមិនផ្តាច់ផ្នែកនេះចេញទេ។

អ្នក ស្រី OM Whitman បានលើកឡើងថាវាជាការល្អបំផុតដែលយើងគួររក្សាទុកផ្នែក ពាណិជ្ជកម្មកុំព្យូទ័រព្រោះវាមានសារៈសំខាន់សម្រាប់អតិថិជន ដៃគូសហការ អ្នករួមហ៊ុន និងបុគ្គលិកទាំងអស់។ អ្នកស្រីបន្តទៀតថា ក្រុមហ៊ុនប្តេជ្ញារធ្វើការជាមួយផ្នែកពាណិជ្ជកម្ម ហើយទាំងអស់គ្នាវានឹងកាន់តែខ្លាំងជាងមុន។
ជាចុងក្រោយ ផ្នែក Personal Systems Group នឹងនៅតែស្ថិតនៅក្នុង HP ដដែល ហើយក្រុមប្រឹក្សាភិបាលរំពឹងថាផ្នែកនេះនឹងអាចជួយរកប្រាក់ចំណួល បានបន្ថែមទៀត។ ដូច្នេះបុគ្គលិកនៅក្នុងផ្នែកនេះគួរមានអារម្មណ៍ល្អវិញហើយ។
ខំ តែភ័យ បើ HP ផ្តាច់ផ្នែកពាណិជ្ជកម្មកុំព្យូទ័រ ហើយបញ្ឈប់បុគ្គលិកពី Personal Systems Group អស់មិនដឹងទីផ្សារកុំព្យូទ័រក្លាយទៅជាយ៉ាងណាទេ៕
ប្រែសម្រួល៖ ខឹម បូរិន
រូបភាព៖ បរទេស

ស្រាវជ្រាវហ្សែនអណ្តើក ដើម្បីព្យាបាលជំងឺបេះដូង

Thursday, May 23, 2013

ពួកអ្នកវិទ្យាសាស្ត្រ បានបកស្រាយអំពីករណីសំណុំហ្សែនរបស់ពូជអណ្តើក មានពណ៌សម្បុរច្រើន ឈ្មោះថា " Western painted turtle " សំដៅស្វែងរកលទ្ធភាពព្យាបាលប្រសិទ្ធភាពជំងឺបេះដូង និងស្ត្រូករបស់មនុស្ស។ក្រុមស្រាវជ្រាវ បានកំណត់បាន ១៩ ហ្សែន ក្នុងខួរក្បាលអណ្តើក និង២៣ហ្សែន ក្នុងបេះដូងអណ្តើក នឹងត្រូវបានរំញោចសកម្មភាព ពេលកម្រិតអុកស៊ីហ្សែនទាប។ ហ្សែនទាំងនេះ ក៏មាននៅលើមនុស្សដែរ។ពូជអណ្តើក រីកចម្រើនតាមទិស ធ្វើឱ្យមនុស្សត្រូវច្រណែន។ វាប្រឆាំងតបបានភាពចំណាស់, អាចបង្កើតកូនពេលអាយុច្រើន។

លោក Richard Wilson នាយកវិទ្យាស្ថានហ្សែន នៅសាកលវិទ្យាល័យវ៉ាស៊ីនតោន (អាមេរិក) បានមានប្រសាសន៍ថា " មនុស្សចាំបាច់ត្រូវរៀនសូត្រច្រើនអំពីវា "។ពួកអ្នកស្រាវជ្រាវ បានរកឃើញថា ជំនួសឱ្យការប្រើប្រាស់ហ្សែនមានស្រាប់ អណ្តើកមានលទ្ធភាពប្រឆាំងតបស្ថានភាពខ្វះអុកស៊ីហ្សែន ដោយវិធីរំញោចសកម្មភាពប្រព័ន្ធហ្សែនថ្មី (ក៏មាននៅលើមនុស្សដែរ) និងប្រើប្រាស់ហ្សែនទាំងនេះ តាមវិធីថ្មីទាំងស្រុង។បរិមាណអណ្តើកលើពិភពលោក កំពុងថយចុះបណ្តើរៗដោយសារការប្រែប្រួលធាតុអាកាស និងដោយសារវាជាអាហារដ៏ពេញនិយមរបស់មនុស្ស៕

ដកស្រង់ពី www.cen.com.kh

បុណ្យវិសាខបូជា ប្រារព្ធឡើងយ៉ាងអធិកអធម នៅភ្នំព្រះរាជទ្រព្យ ឬភ្នំឧដុង្គ

បុណ្យវិសាខបូជា គឺជាបុណ្យមួយក្នុងបណ្តាបុណ្យធំៗ ក្នុងព្រះពុទ្ធសាសនា ដែលប្រទេសកាន់ព្រះពុទ្ធសាសនាលើសកលលោកតែងប្រារព្ធធ្វើពុំដែលខាន។ ឆ្នាំនេះ បុណ្យវិសាខបូជា បានប្រព្រឹត្តទៅនៅថ្ងៃ១៥កើត ខែពិសាខ ត្រូវនឹងថ្ងៃសុក្រ ទី២៤ ខែឧសភា ឆ្នាំ២០១៣។ ពិធីបុណ្យប្រចាំឆ្នាំនោះ បានប្រារព្ធឡើងជាទ្រង់ទ្រាយធំ នៅភ្នំព្រះរាជទ្រព្យ ដែលគេស្គាល់ជាទូទៅថា ភ្នំឧដុង្គ ក្នុងស្រុកពញាឮ ខេត្តកណ្តាល។ ព្រះសង្ឃ តាអាចារ្យ យាយជី និងពុទ្ធបរិស័ទរាប់ពាន់នាក់ បានជួបជុំ ដើរហែក្បួនធម្មយាត្រា ក្នុងពិធីបុណ្យវិសាខបូជានៅព្រះមហាសក្យមុនីចេតិយ ភ្នំព្រះរាជទ្រព្យ ឬភ្នំឧដុង្គ នៅព្រឹកថ្ងៃសុក្រ ទី២៤ឧសភា ដែលជាថ្ងៃឈប់សម្រាកបុណ្យជាតិ។ក្នុងពិធីជួបជុំដើម្បីប្រារព្ធពិធីបុណ្យវិសាខបូជា រៀបចំឡើងដោយគណៈកម្មាធិការជាតិរៀបចំបុណ្យជាតិ-អន្តរជាតិ សហការជាមួយក្រសួងធម្មការ និងសាសនា សាលារាជធានីភ្នំពេញ ខេត្តកណ្តាល ខេត្តកំពង់ស្ពឺ ខេត្តកំពង់ឆ្នាំង និងខេត្តកំពង់ចាម។ ពិធីបុណ្យវិសាខបូជាជាផ្លូវការ នៅព្រះមហាសក្យមុនីចេតិយ ភ្នំព្រះរាជទ្រព្យ ( ឧដុង្គ ) ក្នុងស្រុកពញាឮ ខេត្តកណ្តាល នាព្រឹកនេះ មានការនិមន្តចូលរួមដោយសម្តេចព្រះសង្ឃរាជ ទេព វង្ស សម្តេចព្រះសង្ឃរាជ បួរ គ្រី សម្តេចព្រះសង្ឃជាច្រើនអង្គ លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ និងរដ្ឋមន្ត្រី មន្ត្រីជាន់ខ្ពស់រាជរដ្ឋាភិបាល មន្ត្រីរាជការ ព្រមទាំងអាជ្ញាធរដែនដី និងពុទ្ធបរិស័ទយ៉ាងច្រើនកុះករ។ក្បួនធម្មយាត្រានៅភ្នំឧដុង្គនាព្រឹកមិញ នាំមុខដោយឡានបុស្សបុក តម្កល់រូបបដិមា តំណាងឲ្យព្រះសម្មាសម្ពុទ្ធ ពេលប្រសូត ត្រាស់ដឹង និងចូលបរិនិព្វាន។ ក្បួនធម្មយាត្រាក៏មានឆៃយ៉ាំ របាំត្រុដិ ការទូងស្គរ ភ្លេងពិណពាទ្យ ព្រមទាំងព្រះសង្ឃ តាអាចារ្យ យាយជី និងពលរដ្ឋខ្មែរក្មេងចាស់ ចូលរួមដើរដង្ហែអមឡានបុស្សបុក ជុំវិញព្រះមហាសក្យមុនីចេតិយ។បុណ្យវិសាខបូជា នៅថ្ងៃ១៥កើត ត្រូវបានប្រារព្ធឡើងជារៀងរាល់ឆ្នាំ ដើម្បីឧទ្ទិសចំពោះថ្ងៃជាមង្គលទាំងបី គឺថ្ងៃប្រសូតចាកឧទរព្រះមាតា ថ្ងៃត្រាស់ដឹងអនុត្តរសម្មាសម្ពោធិញ្ញាណ និងថ្ងៃរំលត់ខន្ធចូលកាន់ព្រះនិព្វាន នៃព្រះសម្មាសម្ពុទ្ធបរមគ្រូនៃយើង។ក្នុងពិធីបុណ្យវិសាខបូជានៅភ្នំឧដុង្គ ក៏មានពិធីដាក់បាត្រប្រគេនព្រះសង្ឃ ដែលមានចង្ហាន់ អាហារ ទឹកបរិសុទ្ធ និងមី ជាដើម រួមជាមួយគ្រឿងសក្ការបូជា មានទៀនធូប ផ្កាភ្ញី សម្រាប់ថ្វាយព្រះមហាសក្យមុនីចេតិយ និងព្រះបរមសារីរិកធាតុ នៃព្រះសម្មាសម្ពុទ្ធបរមគ្រូជាម្ចាស់ផងដែរ៕

ដកស្រង់ពី www.cen.com.kh

Headquarters of Acleda

Wednesday, May 22, 2013

Headquarters

#61, Preah Monivong Blvd., Sangkat Srah Chork,
Khan Daun Penh, Phnom Penh, Cambodia.
P.O. Box: 1149
Tel: +855 (0)23 998 777 / 430 999
Fax: +855 (0)23 998 666 / 430 555
E-mail: acledabank@acledabank.com.kh
SWIFT Code: ACLBKHPP

ក្រុមចោរ៥នាក់ ចូលប្លន់ ផ្ទះប្រជាពលរដ្ឋ តែត្រូវម្ចាស់ផ្ទះ បាញ់របួសធ្ងន់ម្នាក់ ហើយ៤នាក់ទៀត គេចខ្លួន

ភ្នំពេញៈ ក្រុមចោរប្រដាប់អាវុធ មានគ្នា៥នាក់ នៅវេលាម៉ោង ៨និង២០ មុននេះ (យប់ថ្ងៃទី១៨ ខែឧសភា ឆ្នាំ២០១៣) បានចូលប្លន់ ផ្ទះប្រជាពលរដ្ឋ មួយកន្លែងនៅ ក្នុងសង្កាត់ទួលទំពូង១ ខណ្ឌចំការមន រាជធានីភ្នំពេញ ប៉ុន្តែត្រូវម្ចាស់ផ្ទះ ដែលគេដឹងថា ជាមន្រ្តីអាវុធហត្ថនោះ បាញ់ឱ្យរបួសធ្ងន់ម្នាក់ នៅនឹងកន្លែង ហើយបក្ខពួក៤នាក់ទៀត បានគេចខ្លួន ។លោក ជួន សុវណ្ណ ស្នងការនគរបាលរាជធានីភ្នំពេញ បានប្រាប់ដើមអម្ពិល តាមទូរស័ព្ទ ក្រោយកើតហេតុភ្លាមៗថា នៅវេលាម៉ោង៨ និង២០នាទី មុននេះ មានក្រុមចោរ ៥នាក់ បានចូលប្លន់ ផ្ទះប្រជាពលរដ្ឋ នៅផ្លូវ១៦៣ ក្នុងសង្កាត់ទួលទំពូង១ ខណ្ឌចំការមន តែត្រូវម្ចាស់ផ្ទះ បាញ់តដៃ បណ្តាលឱ្យគ្នាគេម្នាក់ (ចោរ) របួសធ្ងន់ម្នាក់ ហើយក្រោយមក ក៏ត្រូវបានសមត្ថកិច្ច បញ្ជូន បន្ទាន់ ទៅសង្រ្គោះ នៅមន្ទីរពេទ្យរុស្ស៊ី ។ ដោយឡែកបក្ខពួក ៤នាក់ទៀត បានរត់គេចខ្លួន បាត់តែម្តង ។តាមសេចក្តី រាយការណ៍ពីកន្លែងកើតហេតុ បានឱ្យដឹងថា មុនកើតហេតុ ជនរងគ្រោះ ដែលជាម្ចាស់ ផ្ទះ មានប្រុសស្រី បានបើករថយន្ត មែកសឺដេស ពណ៌ស ពាក់ស្លាកលេខ ភ្នំពេញ 2W-0011 ត្រឡប់ពីចូលរួម ក្នុងពិធីមង្គលការមួយ ហើយក៏មានក្រុមជនសង្ស័យ ៥នាក់ បានជិះម៉ូតូ២គ្រឿង ដេញតាមពីក្រោយ រហូតដល់ផ្ទះជនរងគ្រោះ ។ ពេលនោះបក្ខពួកជនសង្ស័យ បានចូលទៅក្នុងផ្ទះ ហើយក៏ប្រវាយប្រតប ជាមួយម្ចាស់ផ្ទះ ក៏ត្រូវម្ចាស់ផ្ទះ ទាញកាំភ្លើងបាញ់ ឱ្យរងរបួសធ្ងន់ម្នាក់ តែម្តង ។ ទោះជាយ៉ាងណា បន្ទាប់ពីបានបញ្ជូន ជនសង្ស័យ ដែលរងរបួសទៅ មន្ទីរពេទ្យរុស្ស៊ី ហើយកម្លាំង សមត្ថកិច្ចក្រោមការបញ្ជារបស់លោកស្នងការ និងស្នងការរង ជួន ណារិន្ទ ក៏បាន ដាក់កម្លាំង ការពារ មួយចំនួនផងដែរ ព្រមទាំងធ្វើការត្រួតពិនិត្យ ស៊ើបអង្កេត ទាំងយប់ នៅកន្លែង កើតហេតុ ដើម្បីស្វែងរកចាប់ខ្លួន បក្ខពួកក្រុមចោរប្រដាប់អាវុធ មួយក្រុមនេះ។ នេះបើតាម លោក ជួន សុវណ្ណ ៕

ដកស្រង់ពី គេហទំព័រដើមអម្ពិល

មហន្តរាយនៃជំងឺមហារីកក្រពះ

មហារីកក្រពះជាជម្ងឺមួយប្រភេទដែលកើតមានលើមនុស្សគ្រប់វ័យហើយ ប្រជាពលរដ្ឋគ្រប់រូបមានការភ័យខ្លាចជាខ្លាំង។ ជម្ងឺនេះអាចបង្កឱ្យបាត់បង់ជីវិតបាន ប្រសិនបើព្យាបាលមិនទាន់ពេលវេលា។ អ្នកដែលបានកើតជម្ងឺនេះដោយសារតែបុគ្គលនោះរស់ នៅដោយគ្មានអនាម័យ។ ដូចនេះលោកអ្នកត្រូវយកចិត្ដទុកដាក់ក្នុងការរស់នៅឱ្យមានអនាម័យ ក៏ដូចជាបង្ការដើម្បីចៀសវាងពី ជម្ងឺមហារីកក្រពះផងដែរ។ ការពឹងផ្អែកទៅលើការការពារជាមុនគឺធ្វើឱ្យទទួលបានប្រសិទ្ធភាព ខ្ពស់ក្នុងការព្យាបាល។មហារីកក្រពះ ជាអ្វី? មហារីកក្រពះជាជម្ងឺមួយប្រភេទដែលមានដំបៅមហារីកដុះនៅក្នុង ក្រពះ។ នៅពេលដែលដំបៅនៅក្នុងក្រពះកាន់តែរីកធំ បន្ដិចម្ដងៗ ហើយចេះតែរីករាលដាលធ្វើឱ្យមានដំបៅក្រពះរ៉ាំរ៉ៃ រួចក្លាយទៅជាជម្ងឺមហារីកក្រពះ។មូលហេតុបង្កមហារីកក្រពះមូលហេតុដែលធ្វើឱ្យលោកអ្នកមានកើតជម្ងឺមហារីកក្រពះ គឺដោយសារតែដំបៅរ៉ាំរ៉ៃនៅក្នុងក្រពះដែលដំបៅនេះចេះតែ វិវត្ដន៍បន្ដិចម្ដងៗក្លាយទៅជាដំបៅមហារីក។ ដំបៅនេះបណ្ដាលមកពីកត្ដាជាច្រើនក្នុងនោះមានមូលហេតុមួយគឺមេរោគ ម្យ៉ាងនៅក្នុង ក្រពះ ដែលមេរោគនោះមានឈ្មោះថា អេលីកូប៉ាក់ទែពីឡូរី។ មេរោគនេះនៅក្នុងក្រពះយូរៗទៅធ្វើឱ្យក្រពះទៅជារលាក ដែលការ រលាកក្រពះដំបូងគឺជាការរលាកតូចឈានទៅរកការរលាករ៉ាំរ៉ៃហើយបណ្ដាល ឱ្យក្រពះក្លាយជាមហារីក។ មានមូលហេតុមួយទៀត ដែលស្ថិតក្នុងការស្រាវជ្រាវនៅឡើយ ដោយសង្ស័យទៅលើចំណីអាហារដែលមិនស្អាតឬអាហារដែលមានជាតិគីមីក៏អាច បង្កឱ្យកើត ជម្ងឺមហារីកក្រពះនេះបានដែរ។រោគសញ្ញាមហារីកក្រពះមហារីកក្រពះស្ដែងចេញជារូបភាពយ៉ាងច្រើនដែលអាចឱ្យយើងដឹងបាន។មានអាការឈឺពោះ ឬឆ្អល់ពោះនៅចុងដង្ហើមទទួលទានអាហារមិនសូវបាន ដោយសារក្រពះកិនរំលាយអាហារមិនបានល្អចេះតែក្អួតញឹកញាប់ធុំអាហារ ដូចជាធុំជាតិសាច់ជាដើមមានការស្រកទម្ងន់ជួនកាលមានការក្អួតឈាមតាមមាត់ជាដើមនកជម្ងឺខ្លះពុំមានរោគសញ្ញាដូចខាងលើនេះទេ តែគេអាចដឹងបានដោយការឆ្លុះក្រពះ។វិធីព្យាបាលមហារីកក្រពះអ្នកដែលមានរោគសញ្ញានេះ ហើយដឹងថាខ្លួនឯងកើតសូមរួសរាន់រហ័សមកកាន់មន្ទីរពេទ្យដើម្បី ធ្វើការ ព្យាបាលត្រឹមត្រូវនិងឱ្យបានទាន់ពេលវេលានោះការព្យាបាលគឺមាន ប្រសិទ្ធភាពខ្ពស់ឱ្យជាសះស្បើយដោយគ្រូពេទ្យជំនាញច្បាស់ លាស់តាមរយៈការធ្វើការព្យាបាលវះកាត់ និងដោយចាក់ថ្នាំគីមីឬព្យាបាលដោយប្រើវិធីសាស្ដ្រឬបច្ចេកទេស ផ្សេងទៀត។ ដោយ ឡែកប្រសិនបើលោកអ្នកកើតជម្ងឺមហារីកក្រពះហើយមិនបានមកធ្វើការ ព្យាបាលឱ្យទាន់ពេលវេលាទេនោះ ជម្ងឺនេះអាចបង្កឱ្យ លោកអ្នកបាត់បង់ជីវិតបាន។ បើដំបៅនៅក្នុងក្រពះកាន់តែធំការព្យាបាលមានតែការវះកាត់តែ ប៉ុណ្ណោះ ប្រសិនបើអាចធ្វើទៅបាន។ ជួនកាលមិនអាចធ្វើការវះកាត់បានឡើយដោយសារតែមហារីកក្រពះកាន់តែ រីករាលដាលទៅសរីរាង្គផ្សេងៗទៀតនៅក្នុងខ្លួន។ ដូច នេះវិធីព្យាបាលជម្ងឺមហារីកក្រពះដែលមានលក្ខណៈល្អប្រសើរបំផុតគឺ ពឹងផ្អែកទៅលើការការពារជាមុន ជាវិធីដែលមានប្រសិទ្ធភាព ខ្ពស់។ផលប៉ះពាល់របស់ជម្ងឺមហារីកក្រពះជម្ងឺមហារីកក្រពះបង្កឱ្យលោកអ្នកមានផលពិបាកយ៉ាងធ្ងន់ធ្ងរទៅ លើសេដ្ឋកិច្ចគ្រួសារ ព្រោះនៅក្នុងគ្រួសារដែលមានសមាជិកមានជម្ងឺ ពិតជាធ្វើឱ្យអស់ថវិកាច្រើនក្នុងការចំណាយព្យាបាល។ ជាពិសេសបើអ្នកជម្ងឺដែលត្រូវជាមេគ្រួសារទទួលបន្ទុក ទៀតនោះ សង្គមគ្រួសារពិតជាមានការលំបាក ហើយបាត់បង់នូវការងាររកស៊ីចិញ្ចឹមជីវិតប្រចាំថ្ងៃរួចហើយធ្វើឱ្យ បាត់បង់ចំណូល គ្រួសារ។ ជាពិសេសអាចជះឥទ្ធិពលទៅដល់កូន ដូចជាធ្វើឱ្យរំខានដល់ការសិក្សារៀនសូត្ររបស់កូនដោយសារទទួលរង បន្ទុកជំនួស អាណាព្យាបាលដែលមានជម្ងឺ។វិធីបង្ការជម្ងឺមហារីកក្រពះមហារីកក្រពះអាចធ្វើការទប់ស្កាត់ជាមុនបាន ដោយគ្រាន់តែលោកអ្នកមិនត្រូវជក់បារី ម្យ៉ាងទៀតលោកអ្នកត្រូវរស់នៅឱ្យមានអនាម័យមិនត្រូវ ទទួលទានអាហារបន្លែដែលលាងមិនស្អាត ឬអាហារផ្អូមឡើយ។ ការចៀសវាងទទួលទានអាហារខាងលើនេះក៏ដូចជាចៀសវាងកុំឱ្យ មានមេរោគអេលីកូប៉ាក់ទែពីឡូរីនៅក្នុងខ្លួនដែរ ព្រោះមេរោគនេះឆ្លងតាមរយៈចំណីអាហារមិនស្អាតទឹកឆៅមិនបានដាំឱ្យ ពុះជាដើម។ហើយយើងខ្ញុំសូមណែនាំឱសថពិសេសអាចជួយព្យាបាលរោគសញ្ញាទាំងលើនេះអោយជាសះស្បើយ១០០%គឺ ឱសថបុរាណ យ៉ុងហឹង ដែលទទួលស្គាល់ដោយក្រសួងសុខាភិបាល និងជាស្ដង់ដាអន្តរជាតិ

ឆ្នាំនេះ Nokia គ្រោងបង្ហាញ Lumia Phablet តម្លៃជាង ៧០០ ដុល្លារ

Sunday, May 12, 2013

Nokia គ្រោងបង្ហាញ Lumia Phablet តម្លៃចាប់ពី ៦២០ទៅ ៧៧៥ ដុល្លារ នៅក្នុងត្រីមាសទី ៤ ឆ្នាំ២០១៣ ខាងមុខ។ នេះយោងតាមការចុះផ្សាយរបស់គេហទំព័រ Neowin។ នេះជាការឱ្យដឹងសម្តងទៀតហើយ ក្រោយពី Nokia បានប្រកាសថា នឹងបង្ហាញ Smartphone ជំនាន់ថ្មីនៅទីក្រុង New Delhi ប្រទេសឥណ្ឌានាថ្ងៃទី ៩ឧសភាខាងមុខ។ Neowin បានដកស្រង់ពីគេហទំព័រ Financial Time ថា Nokia កំពុងតែសម្ងំផលិត Lumia Phablet។ មិនត្រឹមតែប៉ុណ្ណោះទេ សូម្បីតែទស្សនាវដ្ដីអង់គ្លេស Moblie ក៏អះអាងដូចគ្នាដែរ ហើយថា Nokia នឹងបង្ហាញវានៅត្រីមាសទី៤ ឆ្នាំ២០១៣។ Lumia Tablet ដែលក្រុមហ៊ុនហ្វាំងឡង់គ្រោងបង្ហាញនោះ នឹងមានអេក្រង់ទំហំ ៦អ៊ីញមានរូបភាព 1080p ហើយគេរំពឹងទុកថា វាមានដំណើរការដោយ Window Phone 8។ ទោះជាយ៉ាងណា ប្រភពមិនបានបញ្ជាក់ពីលក្ខណៈសម្បត្តិលំអិតពី Phaplet នោះឡើយ។ ចុចត្រង់នេះដើម្បីតាមដានព័ត៌មានបច្ចេកវិទ្យាថ្មី ប្រែសម្រួល៖ ឌូគូ ប្រភព៖ neowin

Mobile Operator

Mobile Operator របស់រុស្ស៊ីដែលមានឈ្មោះថា Beeline ស្ថិតក្រោមស្លាកសញ្ញា ក្រុមហ៊ុនធំ VimpelCom ថ្មីៗនេះបានប្រកាសលក់ភាគហ៊ុនទាំងស្រុងរបស់ខ្លួនឲ្យទៅដៃគូពាណិជ្ជកម្មក្នុងស្រុក។ លោក Jo Lunder នាយកប្រតិបត្តិរបស់ក្រុមហ៊ុនវិនិយោគរុស្ស៊ី VimpelCom បានលើកឡើងថា៖ “ការលក់ភាគហ៊ុនវិនិយោគទាំងស្រុងទៅឲ្យដៃគូក្នុងស្រុកជា សញ្ញាណវិជ្ជមានមួយដែល ដៃគូសហការរបស់យើង ជាម្ចាស់ទាំងស្រុង និងអាចគ្រប់គ្រងអាជីវកម្មស្លាកសញ្ញាក្រុមហ៊ុនឲ្យដំណើរការទៅមុខកាន់តែល្អប្រសើរ”។ សេចក្ដីប្រកាសលក់ភាគហ៊ុន (របស់VimpelCom) នៅកម្ពុជានេះ ធ្វើឡើង បន្ទាប់ពីក្រុមហ៊ុនបានលក់ភាគហ៊ុនរបស់ខ្លួនចំនួន ៤៩% នៅវៀតណាម ក្នុងតម្លៃ ៤៥លានដុល្លារអាមេរិក កាលពីថ្ងៃទី ២៤ មេសា ២០១២ កន្លងទៅ បន្ទាប់ពីខាតបង់ប្រមាណ ៥២៧លានដុល្លារអាមេរិក។ ប្រភពដដែលបានបញ្ជាក់ទៀតថា VimpelCom មានសិទ្ធជាម្ចាស់ភាគហ៊ុន លើក្រុមហ៊ុនបណ្ដាញទូរសព្ទ (Mobile Operator) នៅកម្ពុជា រហូតដល់ ៩០% ខណៈដែល ១០% ផ្សេងទៀតជារបស់ដៃគូសហការក្នុងស្រុកគឺលោក ហួត វណ្ណថន (Huot Vanthan)។ ក្នុងបទសម្ភាសន៍ខាងលើ ដែលចេញផ្សាយលើគេហទំព័រ cellular-news កាលពីថ្ងៃទី ១៩ មេសា កន្លងទៅនេះ សង្កត់ធ្ងន់ថា ទោះបីជាមានការបកស្រាយពីសំណាក់ថ្នាក់ដឹកនាំកំពូលរបស់VimpelCom (Sotelco) ក្ដី ក៏លោក មិនបានបញ្ជាក់ពីតម្លៃសរុប លើបរិមាណភាគហ៊ុនដែលខ្លួនលក់នោះទេ។ ចំពោះការទិញលក់ ខាងលើនេះដែរ ប្រភព ចេញពីមន្ត្រីក្រសួងប្រៃសណីយ៍ និងទូរគមនាគមន៍ បានឲ្យSabay ដឹងថា លោកមិនទាន់ទទួលបានដំណឹងនេះយ៉ាងណានោះទេ ប៉ុន្តែចំពោះបំណងរបស់VimpelCom ចង់លក់ភាគហ៊ុននោះ លោកដឹងយូរណាស់មកហើយ។ អាស្រ័យដោយប្រភពចេញពីCEO VimpelCom អន្តរជាតិ ទើប ប្រភពចេញពីក្រុមហ៊ុនBeeline ក្នុងស្រុកលើកឡើងថា មិនទាន់ទទួលបានដំណឹងច្បាស់នៅឡើយដែរ។ យោងតាមព័ត៌មានដែលធ្លាប់ចេញផ្សាយលើគេហទំព័រភ្នំពេញបុស្ដិ៍ កាលពីពាក់កណ្ដាលខែ មិនា ២០១២ កន្លងទៅបានឲ្យដឹងថា ទំហំទឹកប្រាក់ប្រតិបត្តិការរបស់Beeline ទាំងនៅកម្ពុជា និង វៀតណាមបានខាតបង់រហូតដល់ទៅជាង៥០០លានដុល្លារ អាមេរិក និងមានចំនួនអ្នកប្រើប្រាស់ប្រមាណ ៦៣ម៉ឺន នាក់។ ប្រព័ន្ធទូរសព្ទBeeline ដែលកំពុងចរាចរលើទីផ្សារកម្ពុជាបច្ចុប្បន្នមាន060 066 067 068 090 និង 031 ដែលទើបនឹងចេញប៉ុន្មានខែចុងក្រោយនេះ។ VimpelCom បោះទុនវិនិយោគនៅកម្ពុជា ក្នុងកញ្ចប់ទឹកប្រាក់ចំនួន ២៨លានដុល្លារអាមេរិក និងដំណើរការជាផ្លូវការលើទីផ្សារកម្ពុជា តាំងពីថ្ងៃទី ១៨ ខែ ឧសភា ២០០៩ បន្ទាប់ពីទទួលបានអាជ្ញាប័ណ្ណ កាលពីខែ កក្កដា ២០០៨ ដោយប្រើប្រាស់ឈ្មោះក្រុមហ៊ុន Sotelco និងយីហោ Beeline។ VimpelCom ជាក្រុមហ៊ុនផ្តល់សេវាទូរគមនាគមន៍ដ៏ធំ ដែលបានបណ្ដាក់ទុននៅតាមបណ្ដាប្រទេសជាច្រើន សរុបជិត ២០ប្រទេស ដូចជា៖ កម្ពុជា វៀតណាម ឡាវ រុស្ស៊ី អ៊ីតាលី អ៊ុយក្រែន កាណាដា អាល់ហ្ស៊េរី កាហ្សាក់ស្ថាន ប៉ាគីស្ថាន អ៊ូបេគីស្ថាន តាហ្ស៊ីគីស្ថាន អាមិននៀ ហ្សកហ្ស៊ី បង់ក្លាដេស ប៊ូរុនឌី ហ្ស៊ីមបាវ៉េ អាហ្វ្រិកកណ្ដាល និងប្រទេសKyrgyzstan។ អត្ថបទ៖ សេង ណារិទ្ធ Tags: ព័ត៌មានបច្ចេកវិទ្យាក្នុងស្រុក, ព័ត៌មានពី Beeline នៅកម្ពុជា

ទីតាំងចំនួន ៤ ដែលស្ថាបនិករថយន្តអគ្គិសនីរបស់កម្ពុជា

ទីតាំងចំនួន ៤ ដែលស្ថាបនិករថយន្តអគ្គិសនីរបស់កម្ពុជាឈ្មោះថា រថយន្តអង្គរEV ២០១៣ លោក ញាណ ផល្លឹក សម្រេចចិត្តបញ្ចេញរថយន្តដ៏តូចច្រឡឹងរបស់ខ្លួនថតស្ពត ទាំងរូបសន្លឹក និងវីដេអូ ដើម្បីចាក់ផ្សាយថ្ងៃបើកសម្ពោធជាផ្លូវការនៅថ្ងៃ ៧ មករា ២០១៣ ដើមសប្ដាហ៍ក្រោយ។ បន្ទាប់ពីលាក់ខ្លួនពួនអាត្មាសមិទ្ធផលចំណាយពេលអស់ ៧ខែ (កក្កដា-ធ្នូ ២០១២) ទីបំផុតលោក ញាណ ផល្លឹក សម្រេចចិត្តបង្ហាញរថយន្តអង្គរ ស៊េរីឆ្នាំ ២០១៣ ដែលលោកប្រសិទ្ធិនាមថា រថយន្តអង្គរ EV ២០១៣ នៅបួនទីតាំងទាំងពីព្រឹកព្រលឹម ដូចជា នៅមុខទីស្ដីការគណៈរដ្ឋមន្ត្រី វត្តភ្នំ វិមានឯករាជ្យ និងរង្វង់មូលសម្ដេចសង្ឃជួនណាត។ រថយន្តអង្គរ EV ២០១៣ នៅមុខវិមានសន្ដិភាព រថយន្តអង្គរ EV ២០១៣ នៅមុខវត្តភ្នំ រថយន្តអង្គរ EV ២០១៣ នៅវិមានឯករាជ្យ រថយន្តអង្គរ EV ២០១៣ នៅរង្វង់មូលសម្ដេចសង្ឃជួន ណាត លោក ផល្លឹកបានលើកឡើងពីលក្ខណៈសម្បត្តិរបស់រថយន្តប៉ាន់ត្រៀមបើកសម្ពោធបែបនេះថា EV ២០១៣ជាឡានដំណើរការដោយថាមពលអាគុយ កម្លាំង ៤០០អំពែ (៧២វ៉ុល)។ បើថាមពលពេញ វាអាចបើកបាន ៣០០គីឡូម៉ែត្រ និងប្រើពេលត្រឹមតែ ៣ម៉ោងកម្លាំងសាកបំពេញវិញ។ ចំណុចផ្សេងទៀតដែលមិនចាញ់រថយន្តទំនើបៗរបស់បរទេសមានដូចជា ទ្វាររថយន្តបើកឡើងទៅលើ (មិនបើកចេញមកក្រៅដូចរថយន្តធម្មតា) ប្រើក្រយៅដៃស្កេន (ទាំងបើកទ្វារ និងបញ្ឆេះ) អាចស្គាល់អ្នកប្រើបានដល់ទៅ ៦០នាក់ អាចបំពាក់Smart Device ដូចជាTablet ឬSmartphone សម្រាប់មើលផែនទី កម្សាន្តមើលវីដេអូ ស្ដាប់តន្ត្រី ប្រើមុខងារកាមេរ៉ាចាប់រាល់សកម្មភាពនៅខាងមុខរថយន្តជាដើម។ ជាថ្មីម្ដងទៀត ម្ចាស់គំនិតរចនា និងបង្កើតរថយន្តអង្គរ EV (Electronic Vihecle) ស៊េរីថ្មីនេះសង្កត់ធ្ងន់ថា EV ២០១៣ នឹងបើកសម្ពោធចេញលក់នៅថ្ងៃចន្ទ ទី ៧ មករា ២០១៣ នៅស្នាក់ការក្រុមហ៊ុនហេងអភិវឌ្ឍន៍ នៅជិតសាលារាជធានីភ្នំពេញ ប៉ុន្តែទាំងតម្លៃ និងថ្ងៃចេញលក់បម្រើសេចក្ដីត្រូវការរបស់អតិថិជន លោក មិនបានបញ្ជាក់ទេ ដោយនិយាយថា សុំលាក់សិន៕ អានអត្ថបទ “ដើមហេតុដែលលោក ផល្លឹក ផលិតរថយន្តអង្គរ” សូមចុចទីនេះ យល់យ៉ាងណាចំពោះ រូបរាងរបស់ EV 2013 នេះ?

អំពីផែនដី

Saturday, May 11, 2013

អង្គការ ណាសា បានចេញផ្សាយវីដេអូ មុខមាត់ពិតរបស់ភពផែនដី ៣០ ឆ្នាំ ចុងក្រោយ

អង្គការ ណាសា បានចេញផ្សាយវីដេអូកាត់តមួយស្តីពីភាពប្រែប្រួល របស់ភពផែនដី ក្នុងរយៈពេល ៣០ ឆ្នាំ ក្រោយនេះ ដែលវាពិតជាមានភាពខុសប្លែកនៅតាម តំបន់មួយចំនួនជាខ្លាំង រួមមាន ទីក្រុងឌូបៃ ទីក្រុង សៀងហៃក៏ដូចជា ព្រៃទឹកភ្លៀងប្រទេសប្រេស៊ីលជាដើម នេះបើយោងតាមសេចក្តីរាយការណ៍ព័ត៌មាន របស់គេហទំព័របរទេសស្កាយ ។ ប្រព័ន្ធផ្កាយរណប បានចាប់យកនូវការវិវត្តន៍របស់ទីក្រុងឌូបៃ ដោយបង្កើតបានជាក្រុងដ៏ទំនើបមួយ ដែលក្នុងនោះរួមមានហេដ្ឋារចនាសម្ព័ន្ធ រូបវ័នជាច្រើន សំណង់អាគារខ្ពស់ៗ សណ្ឋាគារលំដាប់ថ្នាក់ផ្កាយ ក៏ដូចជារមណីយដ្ឋានលំដាប់ថ្នាក់ពិភពលោកផងដែរ។ លើសពីនេះ បើយើងងាកក្រឡេកទៅមើលទីក្រុង Las Vegas ក៏មានការអភិវឌ្ឈន៍ផងដែរ នាប៉ុន្មានឆ្នាំចុងក្រោយនេះ ដោយបានពង្រីកនូវទឹកដី ក៏ដូចជា សក្តានុពលរបស់ខ្លួន តែការព្រួយបារម្ភអំពើការបំពុលផ្សេងៗ ក៏ត្រូវបានចោទជាបញ្ហាផងដែរ។

ចុចត្រង់នេះដើម្បីអានព័ត៌មានលម្អិតពីគេហទំព័រដើម

ទីតាំងបោះឆ្នោត

ការងារ ៣ មុខ តាមឱវាទព្រះពុទ្ធគ្រប់ព្រះអង្គ

Sunday, May 5, 2013

១. ការងារសង្រួមកាយ ការងារសង្រួមវាចា ការងារសង្រួមចិត្ត ពិតជាការងារប្រចាំថ្ងៃ នៃជនប្រុសស្រី ទាំងគ្រហស្ថ ទាំងបព្វជិត ព្រោះជាការបិទទ្វារការពារទប់ស្កាត់នូវបាបថ្មីៗ កុំឲ្យចូលមករួមដៃជាមួយបាបចាស់ កាត់បន្ថយកម្លាំងបាបដែលសន្សំក្នុងសន្តានចិត្ត ប្រៀបបីដូចជាបុគ្គលដែលខំព្យាយាមតមចំណីទាស់ ព្រោះហេតុតែខ្លួនឯងឈឺរោគថ្លើម ដូច្នោះឯង ។

២. ការងារបំពេញសេចក្តីល្អ ពិតជាត្រូវធ្វើបន្តមិនឲ្យដាច់ ធ្វើទានរឿយៗ រក្សាសីលជាប់លាប់ អប់រំចម្រើនសេចក្តីស្ងប់ជាប្រចាំ រៀនធម៌ស្តាប់ធម៌បំពេញចំណេះដឹង ទាំងអស់នេះសុទ្ធតែជាការងារបំប៉ននូវស្មារតី ប្រៀបបីដូចជាអ្នកឈឺថ្លើម ខំប្រឹងថែសុខភាព បំប៉នចំណីល្អៗ ប្រើប្រាស់អ្វីៗមានអនាម័យ ដើម្បីជួយកម្លាំងគ្របសង្កត់នូវរោគ ដូច្នោះដែរ ។

៣. ការងារអប់រំចម្រើននូវសតិប្បដ្ឋាន ៤ គឺជាការងារស្រាវជ្រាវរកសេចក្តីពិត ក្នុងជីវិតដែលមានតែរូបធម៌ និងនាមធម៌ ដើម្បីកំចាត់បង់នូវការវង្វេង ព្រមដោយការប្រកាន់ខុសផ្សេងៗ ប្រព្រឹត្តទៅដើម្បីអរិយមគ្គជាលោកុត្តរ ប្រហារបង់នូវអនុស័យ ។ ចំពោះកិលេស ឬ នីវរណៈច្រើនៗក្នុងជីវិតប្រចាំថ្ងៃ វាជាមេរោគចង្រៃ បើទុកឲ្យវារីកចម្រើនឡើងៗ ជាការលំបាកក្នុងការសម្លាប់វាឲ្យអស់ណាស់ បើដូច្នេះជាមួយគ្នានឹងការចម្រើនសតិប្បដ្ឋាន ៤ ពុទ្ធបរិស័ទរមែងបំពេញនូវការងារមួយទៀតគឺការងារគ្របសង្កត់នូវ នីវរណធម៌ ការស្តាប់ព្រះធម៌ពីរោះ មានសេចក្តីជ្រះថ្លា មានការតាំងចិត្តមាំទាំក្នុងពេលស្តាប់នោះ ក៏ជាការគ្របសង្កត់នូវនីវរណធម៌ដោយពិត ម៉្យាងទៀតព្រោះការប្រកបព្យាយាមក្នុងអធិចិត្ត គ្របសង្កត់នូវនីវរណៈដោយសមថកម្មដ្ឋាន សេចក្តីនេះប្រៀបដូចអ្នកឈឺរោគថ្លើម ក្នុងការប្រើប្រាស់ថ្នាំ រមែងប្រើប្រាស់ថ្នាំពីរមុខ គឺមួយមុខសម្រាប់ហ៊ុមព័ទ្ធមេរោគ និងមួយមុខទៀត សម្រាប់ជំនួយដល់ការប្រហារនូវមេរោគនោះ ដូច្នោះឯង ។

ការចម្រើនសតិប្បដ្ឋាន ៤ ជាការដុសខាត់សេចក្តីប្រកាន់រឿយៗ បញ្ញាក៏ភ្លឺថ្លាឡើងៗ ហើយរមែងជាឧបការៈ ដល់កុសលធម៌ដទៃទៀតគ្រប់យ៉ាងទាំងអស់ សតិប្បដ្ឋាន ៤ ជាគំនរនៃកុសលធម៌ ការចម្រើនសតិយ៉ាងនេះរឿយៗ រមែងឈានទៅរកការឃើញច្បាស់មួយថា " ធម៌ទាំងឡាយទាំងពួង គឺកុសលធម៌ អកុសលធម៌ អព្យាកតធម៌ គ្រាន់តែជាខន្ធ អាយតនៈ ធាតុ តែប៉ុណ្ណោះ ពុំមែនជាសត្វសោះឡើយ ហើយមិនគួរប្រកាន់ថា ជារបស់មាំមួនទៀតផង "

ស្រង់ចាកពីសៀវភៅ " មនុស្សជាមួយនឹងការងារ " រៀបរៀងដោយ លោកគ្រូអគ្គបណ្ឌិតធម្មចារ្យ ប៊ុត-សាវង្ស ។

ដោយ ប៉ុន សុដា
ដកស្រង់ពី http://www.5000-years.org

Saturday, May 4, 2013

លោក បណ្ឌិតសាស្ត្រាចារ្យ ឥន សុផល បកស្រាយអំពីពិធីការការទូតនិងពិធីការអាស៊ាន

វិទ្យុអូស្ត្រាលី | Saturday, 04 May 2013 10:30:00 Share to: Facebook · Google+ · Tweet

ការ យល់ដឹងពីពិធីការការទូតជាផ្នែកមួយធ្វើឲ្យពលរដ្ឋរស់នៅប្រកប ដោយភាពថ្លៃថ្នូរនិងស៊ីវិល័យ។ ពិធីការការទូត ជាពិធីការជាអន្តរជាតិដែលផ្តោតទៅលើការស្លៀកពាក់ ការរៀបចំទទួលបដិសណ្ឋារកិច្ច និងការជប់លៀងជាដើម។

ចុចត្រង់នេះដើម្បីអានព័ត៌មានលម្អិតពីគេហទំព័រដើម

សារមន្ទីរអាមេរិកនឹងបញ្ជូនរូបសំណាកប្រាសាទកោះកេរមកកម្ពុជាវិញ Trackback

បន្ទាប់ពីបញ្ជូនមន្ត្រីជាន់ខ្ពស់ពីររូបមកចរចាជាមួយកម្ពុជាកាល ពី ៦ សប្ដាហ៍មុនរឿងរូបសំណាក ដែលត្រូវបានគេយកទៅលក់នៅអាមេរិក នៅថ្ងៃសុក្រម្សិលមិញនេះ សារមន្ទីរ Metropolitan Museum of Art របស់អាមេរិកបាននិយាយថា ខ្លួននឹងបញ្ជូនរូបសំណាកចំនួនពីរមកកម្ពុជាវិញក្នុងពេលខាងមុខ។

ការសម្រេចចិត្តនេះ ធ្វើឡើងក្រោយមានការទាក់ទងគ្នាទៅវិញទៅមករវាងមន្ត្រីកម្ពុជា និងមន្ត្រីសារមន្ទីរ។ លោក Thomas P. Campbell អ្នកគ្រប់គ្រងសារមន្ទីរបាននិយាយថា ការសម្រេចចិត្តនេះធ្វើឡើង ក្រោយកម្ពុជាផ្ដល់ភស្តុតាងជាច្រើនដែលបង្ហាញថា រូបសំណាកទាំងពីរគឺ ត្រូវបានគេលួចយកចេញពីប្រាសាទកោះកេរនៅអំឡុងទសវត្សឆ្នាំ ១៩៧០ មែន។

រូបសំណាកឆ្មាំប្រាសាទដែលសារមន្ទីរអាមេរិកគ្រោងបញ្ជូនមកកម្ពុជាវិញ

រូបសំណាកឆ្មាំប្រាសាទ ដែលត្រូវបានដាក់ឈរយាមវិចិត្រសាលអាស៊ីអាគ្នេយ៍ នៃសារមន្ទីរ Metropolitan Museum of Art តាំងពីឆ្នាំ ១៩៩៤ មកនឹងត្រូវនាំយកមកកម្ពុជាវិញក្នុងពេលខាងមុខ ប៉ុន្តែកាលបរិច្ឆេទពិតប្រាកដមិនទាន់ដឹងច្បាស់នៅឡើយ ដោយខាងសារមន្ទីរអាមេរិកប្រាប់ដល់ភាគីកម្ពុជាថា ការបញ្ជូននឹងត្រូវធ្វើឡើងដរាបណាមានការរៀបចំបញ្ជូនដ៏សមស្រប ត្រូវបានរៀបចំជាមុនសិន។

ពាក់ព័ន្ធ នឹងការសម្រេចចិត្តរបស់សារមន្ទីរអាមេរិក ឯកឧត្ដម ចាន់ តានី រដ្ឋលេខាធិការទីស្ដីការគណៈរដ្ឋមន្ត្រីកម្ពុជាបានសម្ដែងក្ដី រីករាយយ៉ាងខ្លាំងចំពោះការបញ្ជូនរូបសំណាកត្រលប់មកកម្ពុជា វិញនេះ។ មន្ត្រីជាន់ខ្ពស់កម្ពុជាដដែលបានមានប្រសាសន៍ថា “សកម្មភាពនេះបង្ហាញពីក្រមសីលធម៌ដ៏ខ្ពង់ខ្ពស់ និងការអនុវត្តប្រកបដោយវិជ្ជាជីវៈនៃសារមន្ទីរ Metropolitan Museum of Art ដូចអ្វីដែលគេធ្លាប់ស្គាល់”។

ដោយៈ ប៉ុន សុដា

ដកស្រង់ពី http://news.sabay.com.kh/articles/414113

កុំព្យូទ័របន្ទះស្ដើង Acer Iconia W3 ត្រូវបានបង្ហាញជាមួយតម្លៃ $380

ពពក | Saturday, 04 May 2013 09:04:00 Share to: Facebook · Google+ · Tweet

បច្ចុប្បន្ន នេះប្រព័ន្ធប្រតិបត្តិការ Windows 8 ពិតជាទទួលបានការនិយមច្រើនពីសំណាក់អ្នកប្រើ កុំព្យូទ័រ និង ទូរស័ព្ទទំនើប អាស្រ័យហេតុនេះហើយបានជាគេសង្កេតឃើញថាមានក្រុមហ៊ុនមិនតិចទេ ដែលបង្កើតទូរស័ព្ទទំនើប កុំព្យូទ័របន្ទះស្ដើង និង កុំព្យូទ័រយួរដៃ ដែលដំណើរការដោយប្រព័ន្ធប្រតិបត្តិការមួយនេះ ។ កាលពីប៉ុន្មានសប្ដាហ៍មុនគេសង្កេតឃើញថារូបភាពកុំព្យូទ័របន្ទះស្ដើង របស់ក្រុមហ៊ុន Acer ដែលដំណើរការដោយ Windows 8 មួយម៉ូដែលត្រូវបានបង្ហាញនៅតាមប្រព័ន្ធអ៊ីនធឺណិតមុនពេលក្រុមហ៊ុន ធ្វើការប្រកាសចេញជាផ្លូវការ ។ សម្រាប់ពេលនេះលក្ខណសម្បត្តិបច្ចេកទេសបន្ថែមរបស់កុំព្យូទ័របន្ទះស្ដើង Acer Iconia W3 ត្រូវបានបញ្ជាក់ និងត្រូវបានដាក់លើគេហទំព័រ www.amazon.com ។

ចុចត្រង់នេះដើម្បីអានព័ត៌មានលម្អិតពីគេហទំព័រដើម

ដោយ : ម៉ូវ ណារ៉ុង
គេហទំព័រ www.amazon.com

ងាយៗមិនថាពី Limon ទៅ Unicode និង Unicode ទៅ Limon

បច្ចុប្បន្ន ការសម្រួលអត្ថបទ ( Editing ) ដែលប្រើពុម្ពអក្សរយូនីកូដ នៅមានបញ្ហាព្រោះនៅតាមស្ថាប័ន, ក្រុមហ៊ុនមួយចំនួនមិនទាន់បានប្រើពុម្ពអក្សរខ្មែរយូនីកូដនេះទាំង ស្រុងនៅឡើយទេ ពោលគឺនៅបន្តប្រើ Limon។ ហេតុនេះហើយទើបនៅមានការលំបាកខ្លះៗក្នុង ការបញ្ជូនឯកសារទៅវិញទៅមក ជាពុម្ពអក្សរយូនីកូដ។

ដោយ សារមានការស្នើសុំ ឱ្យជួយបង្ហាញពីរបៀបបម្លែងពុម្ពអក្សរពី Limon ទៅ Khmer Unicode ដូច្នេះនៅទំព័រនេះ Sabay នឹងឆ្លើយតាមសំណើបស់មិត្តអ្នកអាន។ ដើម្បីបម្លែង គឺត្រូវប្រើកម្មវិធីជាជំនួយដែលមានឈ្មោះថា Khmer Converter 1.5.1។
កុំឱ្យខាតពេល សូមតាមដាននិងអនុវត្តន៍តាមជំហានខាងក្រោមទាំងអស់គ្នា៖

ដំបូងត្រូវមានកម្មវិធី Khmer Converter 1.5.1 នេះនៅលើកុំព្យូទ័រជាមុនសិន តែបើពុំមានអាច ចុចត្រង់នេះដើម្បីទាញយក (ទំហំ 6,8MB)។
រួច ពីទាញយកហើយ សូមដំឡើងវាលើម៉ាស៊ីនរបស់អ្នកដោយចុច mouse ស្ដាំពីលើឯកសារដែលបានទាញយកនោះ ឬ double click ក៏បាន។ បន្ទាប់ពីនោះនឹងបង្ហាញផ្ទាំងថ្មីមួយឡើង នៅលើនោះដែរសូមរើសយកឃ្លា I accept the agreement រួចចុចលើប៊ូតុង Next → Next បន្ទាប់មកធិកយក Create a desktop icon រួច Next → Install រង់ចាំឱ្យដំឡើងសព្វគ្រប់ ជាចុងក្រោយចុចលើប៊ូតុង Finish ជាការស្រេច។

ក្រោយ ដំឡើងរួច សូមបើកកម្មវិធី Khmer Converter ឡើង។ រួចរើសយកឯកសារដែលចង់បម្លែងដោយចុចលើប៊ូតុងត្រង់ Filename ដើម្បីទៅ Brows រកមើល និងចុចលើប៊ូតុង Open ដើម្បីនាំឯកសារចូល (ដូចរូបខាងក្រោម) ។

(ចំណាំៈ កម្មវិធីនេះអាចបម្លែងបានតែឯកសារដែលមានទ្រង់ទ្រាយជាអត្ថបទធម្មតា និងជាកម្មវិធីការិយាល័យខ្មែរ Open Office ដែលមានប្រភេទ (.odt) និងឯកសារ HTML ឬ Paint Text តែប៉ុណ្ណោះ) តែប្រសិនប្រិយមិត្តយកឯកសារ MS Office នោះនឹងមានបញ្ហាក្រោយបម្លែងរួចមើលមិនយល់។ ប្រសិនពុំទាន់មានកម្មវិធី Open Office ទេ អាចចុចត្រង់នេះដើម្បីទាញយកជាមួយទំហំ 129MB។

ក្រោយ ពីបាននាំឯកសារចូលមកកម្មវិធីហើយ អ្នកអាចជ្រើសរើសប្រភេទពុម្ពអក្សរ (Font) ក៏ដូចជាទំហំអក្សរបានផងដែរ (ឧទាហរណ៍យើងរើសយក Font Khmer OS Muol light ទំហំ 14)។ ហើយសូមកំណត់ទីតាំងសម្រាប់ទុកដាក់ឯកសារនៅពេលបម្លែងរួចដោយចុចលើ ប៊ូតុង Filename ផ្នែក Output File។ រួចហើយចុចលើប៊ូតុង Convert ជាការស្រេច។

ចុងក្រោយយើងនឹងបានលទ្ធផលដូចរូប៖

ប្រិយមិត្តសាកល្បងបើកមើលឯកសារដែលទើបបម្លែងរួចនេះទៅមើល៍ តើបានសម្រេចឬទេ?
សូម បញ្ជាក់ថា កម្មវិធី Khmer Converter 1.5.1 នេះក៏អាចបម្លែងពុម្ពអក្សរ Khmer Unicode ទៅជា Limon វិញបានផងដែរ ដោយប្រើប្រាស់ដោយចូលទៅកាន់ Tab ខាងស្ដាំឈ្មោះថា “Unicode to Legacy” មើលរូប៖

នៅមានគន្លឹះផ្សេងៗជាច្រើនទៀត ចុចត្រង់នេះដើម្បីតាមដានបន្ត …
ដោយ៖ ជាន វណ្ណៈ
ដកស្រង់ពី sabay.com.kh

ស្វែងរក

ប្រភេទអត្ថបទ

អត្ថបទប្រចាំថ្ងៃ

Friday, May 31, 2013

Tuesday, May 28, 2013

Sunday, May 26, 2013

Saturday, May 25, 2013

Thursday, May 23, 2013

Wednesday, May 22, 2013

Sunday, May 12, 2013

Saturday, May 11, 2013

អង្គការ ណា​សា បានចេញ​ផ្សាយ​វីដេអូ មុខមាត់​ពិតរបស់​ភពផែនដី ៣០ ឆ្នាំ ចុងក្រោយ

Sunday, May 5, 2013

Saturday, May 4, 2013

លោក បណ្ឌិតសាស្ត្រាចារ្យ ឥន សុផល បកស្រាយ​អំពី​ពិធីការការទូត​និងពិធីការអាស៊ាន

អត្រាប្ដូរប្រាក់

សមាជិក​ក្រុម

អត្ថបទប្រចាំខែ

ចំនួនអ្នកចូលមើល

អង្គការ ណាសា បានចេញផ្សាយវីដេអូ មុខមាត់ពិតរបស់ភពផែនដី ៣០ ឆ្នាំ ចុងក្រោយ

លោក បណ្ឌិតសាស្ត្រាចារ្យ ឥន សុផល បកស្រាយអំពីពិធីការការទូតនិងពិធីការអាស៊ាន

សមាជិកក្រុម