រាជធានីភ្នំពេញ៖ បុរស២នាក់ស្រវឹងជោក ជិះម៉ូតូScoopy ឌុបគ្នា យ៉ាងលឿន ទៅបុករថយន្តCamery បានឡែន ចំពីមុខពេញទំហឹង បណ្តាលឲ្យដួលម៉ូតូ រងរបួសធ្ងន់ម្នាក់ និងស្រាលម្នាក់។ ហេតុការណ៏នេះបានកើតឡើងកាលពីម៉ោង២២និង១៥នាទីយប់ ថ្ងៃទី២៨ ខែមេសា ឆ្នាំ២០១៣ ត្រង់ចំណុចភ្លើងស្តុបផ្សារទួលទំពូង លើកំណាត់ផ្លូវម៉ៅសេទុង ស្ថិតក្នុងសង្កាត់ទួលទំពូង១ ខណ្ឌចំការមន។
ប្រភពព័ត៌មានពីសមត្ថកិច្ចបានឲ្យដឹងថា មុនកើតហេតុគេឃើញ បុរស២នាក់ស្រវឹងជោកជាំ ជិះម៉ូតូម៉ាកSCOOPY ពណ៌ស ពាក់ស្លាកលេខ ភ្នំពេញ 1AP-4773 យ៉ាងលឿន តាមបណ្ដោយផ្លូវម៉ៅសេងទុង ក្នុងទិសដៅពីលិចទៅកើត លុះទៅដល់ចំណុចកើតហេតុ ចាប់ហ្វ្រាំងមិនទាន់ ក៏ជ្រុលទៅបុក រថយន្តCAMARY បាឡែនពណ៌ស ពាក់ស្លាកលេខភ្នំពេញ2T-4083 បើកបរដោយបុរសវ័យជាង៣០ឆ្នាំម្នាក់ ក្នុងទិសដៅច្រាសគ្នា ចំពីមុខពេញទំហឹង បណ្ដាលឲ្យនាក់ជិះម៉ូតូទាំង២នាក់ ម្នាក់រងរបួសធ្ងន់១ និងម្នាក់ទៀតរងរបួសស្រាល។
ក្រោយកើតហេតុជនរងរបួសស្រាល និងម៉ូតូ យកទៅដោះស្រាយនៅអធិការដ្ឋានខណ្ឌចំកាមន ចំណែកជនរងរបួសធ្ងន់ត្រូវរថយន្តសង្គ្រោះបន្ទាន់ដឹកយកទៅសង្គ្រោះនៅមន្ទីពេទ្យ គឹមសុង៕
ដោយៈ ប៉ុន សុដា
ដកស្រង់ចេញពី http://www.ann.com.kh/site/contentdetail/12601
0 comments:
Post a Comment