អក្សរ​សី​ល្ប៍​ខ្មែរ ឆ្លុះបញ្ចាំង​ពី​ស្នេហា​ចិត្ត​និង​ចិត្ត

ស្នេហា ដែល​កើតឡើង​ក្នុង លក្ខណៈ​ចិត្ត​និង​ចិត្ត​នេះ យើង​សង្កេតឃើញថា អក្សរ​សី​ល្ប៍​ខ្មែរយើង​ បានបញ្ជាក់​និង​បានបង្ហាញ​យ៉ាងជ្រៅ​ជ្រះ ហើយ​តែង​តែ​អួត​សរសើរ​អំពី ស្នេហា​ចិត្ត​និង​ចិត្ត​នេះ។ ក្នុង​រឿង “ទិព្វ​សង្វារ” បានបង្ហាញ​តួអង្គ​ស្តេច​ជាច្រើន ដែលជា​អ្នក​លប​លួ​ច​ស្រឡាញ់​កូនក្រមុំ​គេឯង។ ការ​លួច​ស្រឡាញ់គ្នា​មុន ដោយ​គ្មាន​ចាស់ទុំ ឪពុកម្តាយ ណា​មក​ហាមឃាត់ តែងតែ​ជួប​នូវ​ឧបសគ្គផ្សេងៗ ពី​សំណាក់​ឪពុកម្តាយ​ឬ​បងប្អូន។ តែ​ជួនកាល នៅ​ទីបំផុត​ត្រូវបាន​ជួបជុំគ្នា ជា​គូ​ស្វាមីភរិយា​ដដែល។ ក្នុង​រឿង “ចៅ​ស្រទបចេក” ស្នេហា​ចិត្ត​និង​ចិត្ត បាន​ត្រូវ​អ្នកនិពន្ធ​លើកយក មក​ឲ្យ​តម្លៃ​សរសើរ​ដែរ។ មិន​ខុស​អំពី​ការអធិប្បាយ​យ៉ាង​ហូរហែរ អំពី​ចិត្ត​ស្មោះ​មួយ​នឹង​មួយ ដែលមាន​ក្នុង​រឿង “ទុំ​ទាវ” ជាដើម។ ផ្ទាំង​អក្សរ​សី​ល្ប៍​ទាំងនេះ​បញ្ជាក់ថា ទោះបី​នៅក្នុង​សតវត្ស​ណាក៏ដោយ ក៏​ខ្មែរ​តែងតែ​បង្កប់​នូវ​គំនិត បដិវត្តន៍​មួយ ក្នុង​ផ្នែក​ស្នេហា​នេះ​ជានិច្ច​ដែរ។ គេ​នាំគ្នា​អួត​សរសើរ​និង​ឲ្យ​តម្លៃ ដល់​សេ្ន​ហា​ចិត្ត និង​ចិត្ត។ ការ​អួត​សរសើរ​ឲ្យ​តម្លៃ​ស្នេហា​ចិត្ត​និង​ចិត្ត ជា​តម្លៃ​មួយ​តំណាង​ឲ្យ​ចិត្ត​ស្មោះ​របស់​តួអង្គ​ក៏ពិតមែន ប៉ុន្តែ​យុវវ័យ​គ្រប់រូប មិនត្រូវ​មានចិត្ត​ក្បត់ នឹង​ប្រពៃណី​ខ្មែរ ប្រព្រឹត្តិ​អំពើ​មិន​សមរម្យ មុន​ថ្ងៃ​រៀប​អា​ពា​ហ៍​ពី​ពា​ហ៍​នោះឡើយ៕